عدد المساهمات : 465 تاريخ التسجيل : 04/06/2011 العمر : 28 الموقع : مدينةالحب
موضوع: الكريب المحشو بالفواكه الإثنين يوليو 04, 2011 5:01 pm
المقادير (وهذه المقادير تعمل 6 ل7 أقراص)
كوب حليب كوب دقيق مليااان رشة ملح ملعقة صغيرة سكر بيضه كبيرة فانيليا .
و نحطهم كلهم في الخلاط ويخلط الخليط جيدا
(بالنسبة للكريب للحادق بنحط ملح و فلفل بدل الفانيليا و طبعا نشيل السكر)
لو ترغبين في قرص الكريب بالشوكلاطة نقص من كوب الدقيق مقدار ملعقتين كبار و نستبدلهم بملعقتين كاكاو بدرة
طبعا بنستخدم مقلاة تيفال او اي مقلاة مايلصق فيها الاكل
و بعدين ندهنها زيت او سمن (علي حسب الرغبة)
نحط بالمغرفة على جنب المقلاة كما في الصورة التالية
و نوزع على باقي اطراف المقلاة بأننا نميلها في الاتجاهات الفاضية علشان تتملي
.
لما بنحط الخليط نراعي ان النار تكون هادية عشان نلحق نوزع الخليط في انحاء الطاسة بالتساوي و بعدين نعلي و نتابع
لما بيدأ القرص في الاحمرار من تحت (طبعا نعرف انه احمر بأننا نستخدم ملعقة او سكين و نرفع بيها طرف القرص شوي ) مو ضروري يكون محمر يفضل يكون لونه بصلي كده
لما يحمر من تحت نقلبه بحيث الناحية المحمرة تكون من فوق
.
و نعمل نفس الفكرة و لما يتلون من تحت كده يكون خلاص استوي من الجانبين نحطه في طبق مسطح بس مانحطه فوق بعض و هو سخن علشان مايلزق .
.
و هكذا لحد ما تخلص كمية الخليط .
الحشو ممكن احنا نبتكره و ممكن نحشي فاواكه و عليها كريم شانتيه او كريم باتسري ممكن شكلاطة . . وأقلك علي كام حشوة كده عجبتني .
احلي حشوة عجبتني .
حشوة التفاح بالقرفة .
نحط ملعقة كبيرة زبدة و لما تسخن نحط عليها تقريبا كوب تفاح أخضر مقشر و عليهم 5 ملاعق سكر (حسب الرغبة) و نصف ملعقة صغيرة قرفة و 3 ل4 ملاعق مكسرات مجروشة (اختياري) .
و نقلب مع بعض كويس لحد ما يتكون لهم صوص .
و يستخدم في الحشو .
.
ممكن الخوخ المعلب
بنفس الطريقة برضه
بس هنا يستحسن من غير قرفة ولا سكر خاااالص لانه اساسا مسكر .
و نستخدم الشربات اللي معاه في العلبة كصوص نحطه علي النار و نستني لما يغلي و نكون مجهزين ملعقة كبيرة دقيق و نذوبها في شوية ماية و لما الشربات يغلي ننزل عليه بخليط الدقيق و نقلب لحد قوامه ما يوصل للقوام المطلوب .
طبعا ملعقة الدقيق ديه قصاد كوب شربات .
و نراعي اننا لوزودنا كمية الشربات نزود كمية الدقيق .
نفس طريقة الخوخ ديه نعملها مع اي فاكهه معلبة تانية
زي الاناناس مثلا
ممكن نعمله أنواع صوص جميلة مثل:
بالبندق
.
كوب كبير و نصف سكر
نصف كوب كبير كريمة لباني
(فريش كريم بتاع جهينة)
نصف كوب كبير بندق مجروش
.
.
نحط السكر في طاسة علي النار لحد ما يسيح و نقلب لحد ما يوصل للبني الغامق
و بعدين ننزل عليه بالفريش كريم
و نقلب دقيقة و نحط البندق
و نقلب علي النار لحد التجانس التام و يكون قوامه زي الصوص
من 4 ل5 دقائق تقريبا
.
.
"صوص الشوكولاتة"
.
نصف كيلو لبن
ملعقة كبيرة مليااانه كاكاو
نصف كوب كبير سكر (100 جم) ملعقة كبيييرة زبدة لينة 150 جرام شيكولاتة دارك قطع . . نحط اللبن و عليه السكر علي النار و لما يغلي اللبن نهدي النار شوي و نحط قطع الشيكولاته الدارك و الكاكاو و نفضل نقلب لحد ما الشيكولاته تسيح خااالص و بعدين في الاخر نحط ملعقة الزبدة الكبيرة علشان التلميع . . ممكن نعمل بعصير الفاكهة صوص
اي فاكهة
كوب من عصير الفاكة ديه
و عليها سكر علي حسب الذوق
و نحطه علي النار و لما يغلي العصير ننزل عليه بخليط الدقيق اللي قلنا عليه قبل كده
.
ممكن مانحشيش الكريب حاجة
و نعمله كريب سوزيت
و ملعقتين كبار زبدة
نصف كوب عصير برتقال
.
نحط السكر في طاسة و نسيبه لحد ما يسيح و لما يبدأ يتلون نقلب لحد ما يصل للون البني
و بعدين نحط عليه الزبدة
و عصير البرتقال
.
و نقلب شوي لغاية ما يتجانسوا
.
و نجيب اقراص الكريب و نطبقها علي شكل مثلث
و نقلبها تقليبتين في الصوص اللي عملناه
.
و بيتقدم كده من غير اي اضافات
ممكن تزينيه بفستق مفروم
و بشر برتقال
وهذي بعض طرق تقديم الكريب
وبالعافية
ملكة المنتدى مؤسسه المنتدى
عدد المساهمات : 1842 تاريخ التسجيل : 03/04/2011 العمر : 27 الموقع : R & R & E
الرئيسية
أحدث الصور
اليومية
